Movement por li Voluntari Extintion del Homanité
Li Movement por li Voluntari Extintion del Homanité (MVEH) ne es un organisation, ma un social movement subtenet de persones qui cuida del vive sur li Terra. Noi ne es un gruppe de misantropes, anti-sociales o malthusian maladjustates qui jui con li catastrofes que batte li homanité. Nequó vell posser esser plu lontan del veritá. Li voluntari extintion del homanité es, in facte, li humanitari alternative al catastrofes e al destruction del ecologia. Chascun vez quande un ex noi decide ne addir unaltru ex noi al enorm masse quel popula ti-ci devastat planete, un nov radie de esperantie brillia in li tenebre.
Quande chascun va decider cessar reproducter se, li biosfere va posser recuperar su ancian glorie e omni creaturas restante va esser líber por viver, morir, evoluer (si ili crede in li evolution) e fórsan extinter se, quam ja ha fat mult altri “essayes” del natura.
Nor extintion es necessi porque li ecosystema del Terra, ti forme de vive ja conosset de mult homes quam Gaia, mey posser recuperar su sanitá. Chascun deve colaborar!
Esque vu parla seriosimen?
Mult homes vide humor che li movement e crede que noi ne posse parlar seriosimen pri li extintion del homanité; ma malgré li seriositá e del situation e del movement, anc hay spacie por li humor. In fact, sin humor, li conditiones de vive sur li Terra vell devenir insuportabilmen depressiv. Un poc de levitá mitiga li gravitá.
It es ver que li rapid extintion del fauna e li morte de 40 000 infantes chascun die ne es drolli aferes, ma ni rider ni plorar va changear nequó. Pro quo ne amusar nos durante que noi labora por un melior munde?
De un altri látere, laborar por retornar al Terra su natural splendore e metter fine al ínutil suffrentie del homanité es positiv idés. It es absurd depresser se.
Esque li voluntarios expecta successar?
Li voluntarios del movement es realist. Noi save que noi nequande va vider li die quande ne va haver homes sur li Terra. Nor scope es in li long-termino. Quáncam li perspectives sembla contrarie al preservation del vive sur li Terra, li decision ne reproducter se es in qualcunc maniere li maxim bon del etic vis-punctu. In fact, li impossibilitá evitar li massive extintion del homanité per se self es ja un bon ration por ne condaranar al vive nequí plu. Mem si nor chances successar vell esser solmen un sur cent, noi vell dever efortiar nos. Abandonar e permisser al homanité far su propri via es ínrasonabil.
Li movement posse esser considerat un successe chascun vez quande un ex nor voluntarios decide ne reproducter se.
Qual es li oficial position del movement?
Pro que li Movement por li Voluntari Extintion del Homanité ne es un vivent ente con bocca e cerebre, it ne posse prender positiones o haver opiniones. It ne posse argumentar, dir al homes quo far o opinar, ni reciver un faciata pro far it.
Li voluntari extintion del homanité es solmen un idé quel deve esser addit al sistemas de credenties ja existent, ne un complex code de conduida. Null comite decide quales positiones on deve prender. Li max mult adherentes limita se al filosofie incarnat che li motto “Noi mey viver longmen e extinter nos”, e si alquí ne desira viver longmen it es afere sui.
Qualmen yo posse adherer al movement?
Esser voluntario es un mental statu. Por adherer al movement vu deve solmen prender li decision de reproducter vos. Por unes, to es un tre facil decision. Por altrus, támen, it es un discussibil question. E por mult homes, adherer significa far un enorm personal sacrificie.
Li MVEH ne es un organisation—ne hay quotas de inscrition ni mensual payamentes. Noi es milliones de persones factent libermen lu que noi considera lu max corect.
Noi ha filios. Esque noi posse ancor adherer?
Naturalmen. Vu ne va esser sol. Quande on aquisi li extintionist perspective del movement, on decide ne addir nov membres al hodial human familie. On ne pussa su filios que ili le da nepotes e on posse mem incoragear les a prender un responsabil decision pri lor fertilitá.
Ne hay ration por sentir se culposi pro li passate. Li culpabilitá ne ducte a positiv solutiones. Esser voluntario del movement ha poc a far con li passate. Li infantes de hodie es li destine de deman. Nor filios ha li potential por aquisir suficent conscientie por changear li direction del civilisation e comensar recuperar li biosfere, e ili besona nor auxilie por posser far it.
Les U. Knight
Except que on indica lu contrari, li contente de ti-ci site es disponibil sub un
Licentie Creative Commons Attribution 3.0 Unit States.
Ples atribuer li copies a vhemt.org
.
