La Movimento pro le Extinction Voluntari del Humanitate (MEVH) non es un organisation, ma un movimento social sustenite per personas qui se preoccupa del vita sur le Terra. Nos non es un gruppo de misanthropos e antisociales, o inadaptatos malthusian que se delecta in le catastrophes que affice le humanitate. Nihil es plus lontano del vertate. Le extinction voluntari del humanitate es un alternativa humanitari al catastrophes human.
Nos non limita nos a insister sur le maniera que le specie human se ha demonstrate un parasito egoistic e immoral sur le facie olim san de iste planeta. Un tal negativismo non solutiona le horrores inexorabile provocate per le action human. In vice isto, le movimento offere un alternativa incoragiante al irrational exploitation e destruction del ecologia terrestre.
Como ben sape le voluntarios del movimento, le sperantiose alternativa al disparition de milliones de species vegetal e animal es le extinction de un sol specie: le Homo sapiens… isto es nos.
Cata vice que alcuno decide non adder nove esseres human al enorme massa que jam occupa iste affligite e superpopulate planeta, un nove radio de sperantia brilla in le tenebra.
Quando tote le homines decidera cessar de reproducer se, le biosphera terrestre recuperara su ancian gloria e le resto de esseres sera libere pro viver, morir, evolutionar e forsan disparer, como ha jam facite tante “experimentos” del matre natura in le curso del tempos. Le ecosystema del Terra, iste forma de vita jam cognoscite per multes como Gaia, recovrara alora su sanitate.
Il es necessari que omnes participa.
Esque vos parla in serio?
Multes vide humor in le movimento e crede que nos non parla in serio sur le extinction voluntari del humanitate; ma malgrado le serietate del situation e del movimento, tamben il ha loco pro le humor. In realitate, sin humor, le conditiones de vita sur le Terra es insupportabilemente deprimente; un poco de legieressa attenua le gravitate del situation.
Il es ver que le rapide extinction del fauna e le morte de 40.000 infantes cata die non es cosas amusante, ma ni riso ni plancto cambia nulle. Proque non amusar nos durante que nos travalia pro un mundo melior? In ultra, retornar al Terra su splendor natural e poner fin al suffrentia inutile del humanitate es ideas positive: care de senso lassar se abatter.
Esque le voluntarios spera succeder?
Le voluntarios del MEVH es realistic. Nos ben sape que nos nunquam va vider le die in que le homine disparera del Terra. Nostre perspectivas es a longe termino.
Ben que le perspectivas pare contrari al conservation del vita sur le Terra, le decision de cessar de reproducer se es in qualcunque modo le melior ab un puncto de vista ethic. In effecto, le impossibilitate de evitar le morte massive que le humanitate es in acto de ganiar se jam es un bon ration pro ne condemnar a viver nemo plus. Le movimento pote esser considerate como succedite cata vice que un nove voluntario decide non procrear.
On ha suggerite que existe solmente duo possibilitates que omnes deveni voluntarios e cessa de reproducer se: minime e nulle. Mesmo si nostre possibilitates de successo serea solmente un sur cent, nos deberea essayar. Abandonar e lassar le humanitate sequer su proprie cammino serea un decision irrationabile.
Qual es le position official del movimento?
Proque le MEVH non es un esser vivente con bucca e cerebro, illo pote prender nulle position ni haber opiniones. Illo non pote argumentar, dicer al gente lo que illes debe facer o pensar, o reciper un colpo de palma pro facer lo.
Le extinction voluntari del humanitate es solmente un concepto pro adder al systemas de credentias jam existente, non un complexe codice de conducta. Nulle committee decide le positiones que on debe prender. Le majoritate del voluntarios adhere al philosophia exprimite per le motto “Que nos pote viver longemente e disparer,” e se alcuno non vole viver longemente, isto solmente reguarda a se.
In realitate, le sol requisito pro devenir voluntario del MEVH es le decision de non adder nove esseres human al population mundial. Un copula ben pote expectar un filio e decider adherer al movimento; le nove esser sera le ultime que illes concipera. Le sustentores non es necessarimente favorabile al extinction del humanitate, ma illes es de accordo que nemo deberea haber filios in nostre dies.
Le voluntarios es si differente quanto a lor punctos de vista religiose, politic e philosophic que formular positiones official significarea un factor de division. Attention al dogmas. Cata uno de nos parla per se ipse.
Quando e como comenciava le movimento?
Le radices del MEVH es si antique como le historia human. Le potential pro un movimento de iste typo ha existite depost que le homine existe. Nos lo appella MEVH, ma sin dubita le movimento ha habite altere nomines in le passato.
Quando le homines del era glacial chassava animales usque al extinction, al minus uno de nostre ancestres ha debite grunnir in disaccordo. A mesura que le Medie Luna Fertile deveniva un deserto sterile e le cedros del Libano esseva sacrificate in le templos, alcuno ha debite pensar: “isto presagi nihil de bon”. Quando le romanos approvisionava lor imperio extrahente recursos de hic e ibi, securemente alcuno commentava: Humanus non gratis*. Alcuno debeva comprehender que le mundo haberea essite melio sin iste horda intromittente.
Alcuno qui non esseva, naturalmente, le dio mesoriental, Jahveh/Allah. Secundo le tradition, in le tempores prehistoric iste dio-creator comprehendeva le error de haber create le homines e decideva facer les disparer del terra, ma in un momento de debilitate ille salvava un familia con filios. Ho! (Genesis 6:5-8).
Le ver origine del movimento se pote trovar in le abundantia natural de amor e logica in cata uno de nos. Nostre sentimento natural de justitia duce nos al decision le plus responsabile. Il debe haber milliones de personas in le mundo qui ha arrivate independentemente al mesme conclusion. Grande parte del voluntarios hodierne jam esseva extinctionistas ante de cognoscer le acronymo del MEVH**.
* Homines non es benvenite.
** Io es uno de iste casos. (N. del T.)
Qui es su fundator?
Nemo pote esser considerate como le fundator del MEVH. Les U. Knight ha date le nomine Movimento pro le Exctinction Voluntari del Humanitate a un philosophia o conception del mundo existente depost que le homines comenciava a pensar. Illo es un prisa de conscientia acquirite independentemente in diverse locos in le curso del historia, ma dissolvite in le pronatalismo del societate.
Como milliones de personas, Les sequeva un simple sequentia logic, guidate per le amor, e arrivava al conclusion que Gaia starea multo melio sin le homine. Ille pote esser considerate como un discoperitor que identificava le movimento e le dava un nomine, ben que cata uno de nos pote trovar le veritate per se ipse.
Ben que Les ha devenite internationalmente cognoscite como le portavoce del movimento, nemo pote parlar in nomine de tote su voluntarios. Il ha nulle position official ultra illo implicite in le nomine del movimento.
Esque alcuno se oppone al movimento?
A prime vista alcunos crede que le voluntarios e sustentores del MEVH odia le humanitate e vole que omnes se suicida o sia victima de assassinatos in massa. On oblida facilemente que altere via pro reducer nostre densitate es simplemente cessar de procrear. Haber filios pare un puncto cec in le concepto de vita de multes.
Le idea que nos pote decider voluntarimente cessar de procrear es rejectate sovente sin prender lo vermente in consideration. Per exemplo:
- “Le gente sexo, on non pote evitar lo”.
- “Procrear es un instincto natural”.
- “Io ama le bebes!”.
- “Alcunos debe reproducer nos proque nos es superior al alteres”.
- “Dio lo ordina”.
- … et cetera.
Totevia, si alcuno analysa attentivemente le situation e se effortia pro superar le conditionamentos social que impedi le libere pensata, ille arrivara practicamente al mesme conclusion: nos deberea extinguer nos voluntari- e progressivemente pro le ben del humanitate e del planeta.
Naturalmente le MEVH se oppone al extinction involuntari de omne specie, assi como a omne projecto que pretende le extermination human. Il existe in nostre dies initiativas organisate pro effectuar ambe horrores. Per exemplo:
- Production e uso de armas.
- Production de substantias toxic, como le productos petroquimic e nuclear.
- Exploitation de recursos human e natural.
- Promotion del fascismo reproductive.
- … et cetera.
Lo que se describe in alto poterea esser appellate Movimento Terrorista pro le Extermination del Humanitate (MTEH), ma isto serea attribuer etiquettas e promover un attitude de rivalitate.
Le MEVH se oppone a lo que face iste gente, ma il es poco probabile que alcuno se preoccupa de retornar le favor. In realitate, care de senso opponer se a un movimento voluntari que face mal a nemo e beneficia a omnes.
Como io pote adherer al movimento?
Pro adherer al movimento vos debe solmente prender le decision de non reproducer vos. Isto es multo facile pro alcunos. Pro alteres illo es un question discutibile. E pro multes, adherer al movimento significa un enorme sacrificio personal.
Le MEVH non es un institution—il non ha quotas de inscription ni pagamentos mensual. Nos es milliones de personas qui face liberemente lo que nos considera le plus correcte.
Il ha tres manieras de adherir al movimento: como voluntario, sustentor e potential voluntario o sustentor. Vos es invitate a seliger illo que se adapta melio a vostre perspectiva actual sur le movimento.
- Voluntario: “Nos omnes debe cessar voluntarimente de reproducer nos usque a attinger le extinction total del humanitate.”
- Sustentor: “Le creation deliberate de nove esseres human es injustificabile in nostre dies, ma desirar le extinction de nostre specie es exaggerate.”
- Potential voluntario o sustentor: “Que vos cessa de borrar me le testa con vostre ideas e de parlar in mi loco. Forsan io es de accordo, forsan non, e forsan io vole saper un poco plus ante de decider me.”
Nos ha filios. Esque nos pote ancora adherer?
Naturalmente; vos non sera sol. Quando personas con filios acquire le perspectiva del MEVH illes decide non adder nove membros al hodierne familia human. Illes non pressiona lor filios pro haber nepotes e illes mesmo pote incoragiar les a prender un decision responsabile sur lor fecunditate.
Il ha nulle ration pro sentir se culpabile pro le passato. Le culpabilitate non duce a solutiones positive. Esser voluntario del MEVH ha nihil a facer con le passato. Lo que le voluntarios vole preservar es le futuro del vita sur le Terra.
Le infantes hodierne es le destino de deman. Nostre infantes ha le potential de acquirer sufficiente conscientia pro cambiar le direction del civilisation e comenciar a recuperar le biosphera terrestre. Le majoritate necessita nostre adjuta pro disveloppar tote lor potential.
